Në punë dolën, por jo për të punuar.
Në shenjë pakënaqësie punëtorët e hekurudhës, u detyruan të ndalin punën e të fillojnë një grevë dy ditore, meqë kërkesa e tyre për rritjen e pagës nuk u miratua.
Kryetari i Sindikatës së Hekurudhave “Trainkos”, Florim Gjyrevci, theksoi që punonjësit kanë vetëm një kërkesë.
“Kërkesa jonë është një e kërkesë e vetme është ngritja e pagave për punëtorët, nuk e kemi caktuar shumën e pagës sepse besoj që duhet të jetë objekt i bisedimeve mes sindikatave dhe menaxhmenti e bordit. Ne nuk e shohim të rrugë me vendos tash një çmim se nuk e dimë se si reagojnë e po reflektojnë organet, tha Gjyrevci
Gjyrevci, thotë se si rrugë të vetme për përmbushjen e kërkesës së tyre e shohin grevën.
“Greva është dy ditësh se nuk po duam ti bëjmë dëm udhëtarëve, se ka shumë të tillë që trenin e kanë të vetmin mjet për transport edhe kështu që ne po ndjejmë pak keqardhje për shkak të udhëtarëve se janë të shumtë. Mirëpo, nuk po kemi qare se i kemi pagat shumë të ulëta ju kërkojnë ndjesë por kjo është rruga e vetme me të cilën mundemi me i realizuar kërkesat tona”, u shprehe ai.
E nga greva presin që të dalin me përgjigje pozitive, së paku kështu po shpreson Hysen Nikqi, përfaqësues i sindikatës Infrakos.
“Aktiviteti i sotëm është aktiviteti i radhës që ka pasuar nga protesta në grevë gjithë ditore, ku do të jetë sot e ditën e nesërme edhe presim reflektimin. Në qoftë se nuk do të ndodh diçka do të analizojmë situatën e do të dalim me një njoftim të hënën. Ne jemi optimist shumë por do të luftojmë deri në fund me të gjitha mjetet sindikale për realizimin e tyre nuk do të tërhiqemi mbrapa”, u shpreh Nikqi.
Këta punëtorët kanë protestuar edhe 3 herë të tjera me të njëjtin qëllim.
Televizioni ka tentuar të kontaktoj me dy menaxhmentet, por deri në publikimin e kronikës nuk ka marrë përgjigje.
