Prokurori i shtetit ka ndaluar për 48 orë Shkumbin Sekiraqën, i cili ndodhej në arrati pasi plagosi me armë një personi në rrugën “Bedri Shala” në Prishtinë, në fillim të muajit mars.
Kështu ka bërë të ditur për teve1.info, zëdhënësja e prokurorit të shtetit, Laureta Ulaj.
“Ju njoftojmë se Prokurori i Shtetit ka lëshuar aktvendim mbi ndalimin e të dyshuarit Sh.S., për shkak të veprës penale “Vrasja në tentativë”, ka thënë Ulaj.
Incidenti ka ndodhur më 4 mars në Prishtinë, ku kishte mbetur i plagosur një person, teksa dyshohej se i parapriu një konflikt verbal mes të dyshuarve dhe viktimës../teve1.info/