Një 31-vjeçar është ndaluar për 48 orë, nën dyshimin për përfshirje në rastin e vdekjes së një 54-vjeçari, i cili ka humbur jetën këtë të hënë në Ferizaj, në një objekt ndërtimi.
Gjatë punimeve ndërtimore, viktima dyshohet se është rrëzuar nga kati përdhes në bodrum.
Sipas Kanun Veselit, zëdhënës i Policisë së Kosovës për Rajonin e Ferizajt, i dyshuari është ndaluar për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.
“Viktima është M.M., 54 vjeç, ndërsa B.T., 31 vjeç, është ndaluar për 48 orë nën dyshimin për veprën penale ‘Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës’”, ka njoftuar ai./teve1.info/
Vdes një 54-vjeçar në vendin e punës në Ferizaj, dyshohet se ra nga kati përdhes në bodrum
