Prokurori i Shtetit ka shqiptuar masën e ndalimit për 48 orë për pesë persona të përfshirë në plagosjen e 4 personave në Lupç të Podujevës.
Lajmin për teve1.info e konfirmoi zëdhënësja e policisë për rajonin e Prishtinës, Flora Ahmeti, derisa bëri të ditur se rasti është cilësuar si vrasje në tentativë.
“Deri tani nga ana e prokurorit të shtetit, masë e ndalimit (48 orë) është shqiptuar për pesë persona të dyshuar dhe rasti është cilësuar si vrasje në tentativë”, thuhet në konfirmimin e Ahmetit.
Këtë të mërkure në Lupç të Podujevës janë plagosur katër persona të cilët janë familjarë.
Dy nga katër personat e plagosur, janë në gjendje të rëndë shëndetësore, ku njëri nga ta momentalisht është në rrezik për jetë, ka thënë doktori kujdes në Emergjencë, Agron Çitaku./teve1.info/.
