Kampioni në fuqi i Italisë, Napoli ka marrë një goditje të rëndë në prag të sezonit 2025/26, i cili nis këtë vikend.
Sulmuesi Romelu Lukaku ka pësuar një lëndim të rëndë dhe pritet të qëndrojë jashtë fushës të paktën deri në muajin nëntor.
Lukaku u dëmtua në ndeshjen miqësore kundër Olynmpiacosit, ndërsa Napoli ka njoftuar se sulmuesi belg tashmë ka nisur rehabilitimin e tij.
Data e saktë e kthimit të Lukakut nuk është dhënë, por pritet që sulmuesi të mos jetë në dispozicion të trajnerit Antonio Conte për gati tre muaj.
Lëndimi i Lukakut ka bërë që Napoli të synoj transferimin e një sulmuesi para mbylljes së afatit kalimtar të verës.
Ndeshjen e parë kampionale në sezonin e ri, Napoli e luan në udhëtim te Sassuolo të shtunën prej orës 18:45.
