Naim Murseli është deklaruar i pafajshëm për vrasjen e bashkëshortes së tij, Liridona Ademaj.
“Plotësisht i pafajshëm”, ka deklaruar Murseli.
Granit Plava është mbrojte në heshtje, ndërsa Kushtrim Kokalla nuk është deklaruar.
“Nuk dua të deklarohem, siç thash më herët pa u konsultuar me avokatin tim”, tha Kokalla.
Fajësinë e ka pranuar Tom Dodaj.
“Në mënyrë vullnetare, deklarohem i fajshëm”, tha Dodaj.
Pranimin e fajësisë nga Tom Dodaj e ka mirëpritur prokurorja, familja Ademaj, mbrojtësi i familjes Ademaj dhe kanë kërkuar nga gjykata me ia pranua deklarimin.
Prokurorja tha se e pranon fajësinë nga i akuzuari Dodaj pasi është bërë në mënyrë vullnetare dhe në përputhje me provat materiale. Edhe mbrojtësi i Dodajt, avokati Agron Kuqi kërkoi nga Gjykata t’ia aprovojë pranimin e fajësisë.
Prokurorja e rastit të vrasjes së Liridona Ademajt, Javorka Perlinçeviq tha se të gjitha palët janë të pajisura me shkresat e lëndës përfshirë edhe cd, të cilat janë dërguar si provë tek avokatët pasi mbrojtësi i Kushtrim Kokallës, Ndrecë Dodaj, pretendoi se nuk i hapeshin, derisa gjykata vërtetojë të kundërtën.
“Kam marrë një shkresë nga mbrojtësi Ndrecë Dodaj, që mbron Kushtrim Kokallën, i cili ka thënë që CD-të që i janë dorëzuar nuk hapen. Me një fjali thotë se ‘nuk mund të deklarohemi’. Prandaj, për këtë si kryetare e trupit gjykues, e kam njoftuar prokuroren e shtetit, lidhur me këtë shqetësim. Sot në mëngjes i kam provuar ato CD-të, të njëjtat që na janë dorëzuar edhe neve në gjykatë, ato hapen, për më tepër janë pjesë e enternal diskut, që i janë dorëzuar mbrojtjes”.
Të akuzuarve iu është lexuar aktakuza për të cilën ngarkohen dhe të njëjtit kanë thënë se e kanë kuptuar.
