Kjo vizitë u bë në kuadër të fushatës “16 ditët e aktivizmit kundër dhunës ndaj gruas”.
Gjatë fjalës së saj, ministrja Nagavci tha se kjo iniciativë ka qenë vullnet i Ministrisë së Drejtësisë, teksa ka bërë thirrje që aktivitete të tilla të zgjerohen në gjithë Kosovën.
“Ka qenë vullneti i Ministrisë së Drejtësisë, unë e di që edhe vitin e kaluar e keni organizuar këtë fushatë po e shfrytëzoj këtë mundësi të bëj thirrje për fëmijët dhe stafin që aktivitetet të zgjerohen edhe në shkolla tjera jo vetëm në komunën e Prishtinës por në gjithë Kosovën. Unë ju uroj shëndet sepse e di që vullnetin dhe angazhimin për të dhënë më të mirën nuk ju mungojnë as juve si nxënës e as kolektivit”, tha ajo.
Gjithashtu edhe ministrja Haxhiu, i konsideroi mjaft të rëndësishme takimet të cilat kan të bëjnë me fenomenin e dhunës, për të cilin ajo tha se po e shkatërrojnë shoqërinë tonë.
“Të dashur mësimdhënës, nxënës, së pari faleminderit që na keni pritë. Është jashtëzakonisht e rëndësishme që këto takime ti kemi në vazhdimësi e të flasim për fenomene që po e shkatërrojnë shoqërinë tonë. Unë uroj që edhe shkollat e tjera dhe Universitetet ta ndjekin shembullin e shkollës “Faik Konica”, sepse jam njoftuar se kjo shkollë ka aktivitete të shumta të tilla të cilat janë të rëndësishme për vetëdijesimin e shoqërisë tonë për fenomenet që janë jashtëzakonisht të dëmshme”, tha ajo.
Ndryshe sot ora e parë e mësimit në Kosovë, iu dedikojua parandalimit të dhunës ndaj grave.
Sipas njoftimit të Ministrisë së Arsimit, kjo orë e mësimit mbahet me qëllim të kultivimit të vlerave, qëndrimeve dhe marrëdhnënieve të shëndosha ndërpersonale në të gjitha nivelet./teve1.info./
