Ministrja e Arsimit, Arbërie Nagavci ka pritur sot në takim ambasadorin e ri të Austrisë në Kosovë, George Schnetzer.
Në një postim në Facebook, Nagavci ka njoftuar se e ka falënderuar Schnetzer për ndihmën që Qeveria austriake i ka dhënë Kosovës, përmes projekteve të ndryshme në sektorin e arsimit, përcjell teve1.info
Siç bën të ditur ajo, ambasadori Schnetzer u zotua se Qeveria e Austrisë do ta ndihmojë Kosovës përmes programeve të ndryshme.
“Ndër të tjera, diskutuam për marrëveshje ndërmjet dy vendeve, të cilat parashohin zbatimin e programeve të cilat kontribuojnë në qeverisjen më të mirë, cilësinë, ndërkombëtarizimin dhe efikasitetin e arsimit të lartë, si dhe në përafrimin e arsimit të lartë me tregun e punës. Ambasadori Schnetzer u zotua se, Qeveria e Austrisë do të vazhdojë të ndihmojë Kosovën përmes programeve të ndryshme, si një nga donatorët më të mëdhenj, në fushën e arsimit në Kosovë”, ka shkruar ajo.
