Në një konferencë për media, Nagavci u shpreh se është në pritje të vendimeve të organeve të drejtësisë lidhur me këtë rast.
“Të nderuar qytetarë më lejoni që të fillojë këtë konferencë duek shprehur indinjatën time të thellë për rastin e fundit brutal të dhunimit sekskual të miturës 11-vjeçare në Prishtinë. E dënoj fuqishëm aktin e tillë duke bërë thirrje dhe pritur që reagimi i zingjirit institucional të jetë i shpejtë dhe efikas në mbrojtjen e së miturës dhe ofrimin e mbështetjes në njërën anë ashtu si dhe në zbatimin e procedurave ligjore për të dyshuarit”, tha ajo.
Madje, Nagavci theksoi se për sigurinë e fëmijëve në shkolla kanë themeluar edhe Forumin Nacional për Shkollat Miqësore.
Sipas saj, këto mekanizma janë krijuar për të parandaluar dhe identifikuar rastet e dhunës në shkolla ku viktima janë fëmijët.
“Për këtë së fundmi kemi themeluar forumin Nacional për Shkollat miqësore ‘Rritemi bashkë’, një trup i integruar shumë palësh i arsimit sigurisë, shëndetësisë dhe mirëqenies sociale që koordinon zbatimin e politikave të sigurisë dhe zhvillimit të shëndetshëm të fëmijëve. Një ndër boshtet kyqe të këtij Forumi është edhe parandalimi i dhunës dhe rritja e kapaciteteve shkollore për identifikim trajtimin e rasteve të dhunës. Rishtazi kemi finalizuar përgatitjet për fushatën e vetëdijësimit dhe zbatimit të protokolllit për ndalimin e dhunës dhe referimin e dhunës në rastet edhunës në shkolla”, shtoi ajo.
Tutje, ministrja deklaroi se krahas fillimit të vitit të ri shkollor, prioritet për ta mbetet krijimi i ambienteve të sigurta për fëmijët.
“Më lejoni ta ngris zërin për nevojën e angazhimit të gjithëmbarshëm të të gjitha palëve në këtë drejtim secili nga ne kemi rol e përgjegjësi në edukimin e gjeneratave të reja që janë të afta të parandalojnë dhunën dhe promovojnë barazi gjinore. Për ne si Ministri në vitin e ri shkollor që po fillon siguria dhe krijimi ambienteve të sigurta do të jetë top prioritet dhe do të kushtojë një angazhim dhe përkushtim të plotë”, shtoi ajo./teve1.info/
