Ish-kryeministri i Kosovës, Isa Mustafa ka kritikuar qeverisjen e tanishme, pasi që sipas tij, kanë harruar t`a falënderojnë raportuesen për Kosovën në Parlamentin Evropian, Viola von Cramon, për kontributin e saj për ardhjen e Vetëvendosjes në pushtet.
“Jashtë çdo norme normale, me subjektivizëm të pashoq, me përzierje flagrante në relacionet e brendshme partiake e demokratike e me anim të hapur, Cramon e mbajti lartë flamurin e Vetëvendosjes, duke atakuar para zgjedhjeve partitë që sot janë në opozitë”, shkroi ai.
“Sot nuk e di a është raportuese e VV-së apo e shtetit që VV synon çdo ditë ta shndërrojë në diktaturë?!”, theksoi Mustafa në një postim në Facebook./teve1.info/
