Mustafa tha se Qeveria e ka për detyrë që qytetarëve të vet t’u siguroj shëndetësi dinjitoze dhe sipas tij Qeveria që nuk e bënë këtë nuk e ka kryer misionin e saj.
“Unë besoj që po sa i përket shëndetësisë se nuk janë më shumë se 1500 – 2000 specialistë edhe në qoftë se ua dyfishon pagën buxheti domethënë nuk rrezikohet, bile duhet me ua dyfishu edhe atyre që janë tash në qoftë se duam shëndetësi. Duhet me iu përgjigje secila Qeveri e ka për detyrë që njerëzve me iu siguri shëndetësi dinjitoze, njerëzit me shku me marrë shërbime në nivel të rajonit dhe secila Qeveri që nuk e bënë këtë nuk e ka kry një mision të vetin”, tha Mustafa.
Sipas tij duhet të krijohet një fond që shpërblen kuadrot që i duhen Qeverisë.
“Sa i përket profileve të tjera natyrisht që duhet në secilën të dyfishohet por atje ku është sektori privat është pak më tjetër puna, është situatë tjetër sepse unë jam i bindur që këta mjekët që punojnë në klinikat private i kanë shumë më të mira rrogat edhe në teknologjitë e informacionit atë e rregullon tregu atje janë pagat mjaftë të mira dmth por ekspertët e teknologjive që i duhen qeverive për me i ofru shërbimet elektronike për qytetarë pa tjetër që duhet të krijojnë një fond për me i mbajtë ato kuadra që i duhen Qeverisë. Është i nevojshëm një fond që ata me u shpërbly me një koficient tjetër, jo prej këtij koeficientit të zakonshëm sepse nuk mundet me i mbajtë ata njerëz sepse aty rrinë njerëzit për shkak të bursave tri vjeçare, në momentin që përfudon bursa lypin punë tjetërkund”, shtoi ai.
