Deputetja e Partisë Demokratike të Kosovës, Ariana Musliu Soshi, në një lidhje direkte në emisionin “Këndi i Debatit” në Tëvë1, ka thënë se PDK-ja nesër do ta ketë një mbledhje të kryesisë.
Ajo thotë se aty do të diskutohen hapat e mëtejmë në lidhje me vendimin e fundit në Hagë ku u dënuan me 81 vjet burgim, katërshja e UCK-së, Hashim Thaçi, Kadri Veseli, Jakup Krasniqi e Rexhep Selimi.
“Atje është gjykuar shtetësia jonë, ne nuk do të qëndrojmë duarkryq”, ka thënë Ariana Musliu Shoshi.
Tutje, ajo ka deklaruar se PDK-ja është e angazhuar edhe në mbledhjen e nënshkrimeve për një nismë të mundshme në Kuvend rreth verdiktit të Hagës.
“Nesër patjetër që do t’i diskutojmë të gjitha temat në mbledhjen e PDK-së dhe nënshkrimi im është për nëse propozohet ndonjë rezolutë. Kuvendi i Kosovës përfaqëson zërin e popullit, tani është koha që Kuvendi të flas”, tha Ariana Musliu Shoshi.
Musliu Shoshi: Kuvendi i Kosovës përfaqëson zërin e popullit, tani është koha që Kuvendi të flas
