Analisti nga Maqedonia e Veriut, Albert Musliu, tha se qytetarët e Maqedonisë u mësuan për herë të tretë se nuk është diçka e keqe e as tragjike nëse në krye të Parlamentit zgjidhet një shqiptar, raporton teve1.info
Në emisionin “Info-Nata” në Tëvë1, Musliu tha se kjo qetësi pas zgjedhjes në krye të Parlamentit një shqiptar është si rrjedhojë e situatës që kishte ndodhur para 7 viteve kur Talat Xhaferi mori kryesimin këtij institucioni.
“Falë asaj që ndodhi para 7 vitesh kur u zgjodh kryetari i parë i Parlamentit, Talat Xhaferi desh u bë luftë qytetare ne Maqedoni, Zijadin Sela desh humbi jetën nga ajo masa e përmbajtësve të VMRO-DPMNE-së të tashme dhe nga një fjalor nacionalist që u përdor para saj, rezultoi me hyrjen në parlament dhe sulmin ndaj deputetëve këdo që gjenin para vetes. Kjo ndodhi më 2017, mandati i dytë ishte gjithashtu i paqartë, i qetë, kishte pak reagime nga VMRO-DPMNE por jo në atë masë që ishte në herën e parë dhe tash shohim kur zgjidhet për herën e tretë kryetari i parlamentit shqiptar bile bile edhe debati nuk u zgjat se me ligjet munde të vonohet deri më 3 ditë, ne e pamë se sot ajo u përmbyll në mënyrë shumë të shpejt, pa asnjë incident pa tensione. Maqedonasit në Maqedoninë e Veriut u mësuan në këto 7 vitet e fundit se nuk ka asgjë tragjike e as të keqe nëse kryetari i Kuvendit zgjidhet shqiptar”, tha ai.
Ndërsa, i pyetur nëse do të ketë koalicion dhe kur do të formohet qeveria e Maqedonisë së Veriut, Musliu tha se është e mundur të ketë koalicion në mes të VMRO-DPMNE-së me VLENIN.
