Deputetja e PDK-së, Ganimete Musliu, ka reaguar pasi deputeti Mefail Bajqinovci i cilësoi shpifje lajmet për avancimin e bashkëshortes së tij si kryeinfermiere në klinikën e Gjinekologjisë në QKUK.
Musliu ka shkruar se kur Bajqinovci instrumentalizonte shpifje për familjarët e të tjerëve, nuk i interesonte bagazhi i tyre profesional e as dinjiteti njerëzor.
“Nuk të interesonte as data e as viti kur ishin pranuar dhe as padrejtësitë që kishin kaluar në proceset e avancimit. Dhe nuk të intereson as sot kur janë në pyetje të tjerët”, ka shkruar Musliu.
Musliu i tha Bajqinovcit se gruaja e tij do t’i vuajë “pasojat e standardeve te mbrapshta e të dhjetëfishta që ke krijuar ti dhe bandat që u shkon ti mbrapa”.
“Mefail Bajqinovci, e bajshi me shnet!”, shkruan tutje Musliu.
