Mesfushori i Kombëtares së Kosovës, Florent Muslija pritet të largohet nga skuadra e Freiburgut këtë verë dhe gjasat janë të mëdha të rikthehet te Karlsruheri, ekip që bën gara në Bundesligën 2.
Bëhet e ditur se Karlsruheri ka shprehur interesim për 26-vjeçarin, i cili këtë sezon ka pasur minutazhë të vogël tek Freiburgu dhe nuk është në planet e klubit nga Bundesliga. Muslija ka regjistruar 9 paraqitje në Bundesligë për Freiburgun, ekip me të cilin ka kontratë deri në verën e vitit 2028 kurse kartoni i tij vlerësohet rreth 3 milionë euro.
Muslija është zhvilluar si futbollist tek Karlsruheri, ku ka debutuar me ekipin e parë por u largua në vitin 2018 për ta vazhduar karrierën tek Hannoveri, Paderborni dhe Freiburgu, skuadër që iu bashkua në janar të vitit 2024.
Ai ka debutuar me Kombëtaren e Kosovës në shtator të vitit 2019 dhe deri më tani ka regjistruar 28 paraqitje, ku ka shënuar 1 gol.
