Sipas Musës, specifikimi me data kur Thaçi ka mbajtur takime me zyrtarë të lartë të të gjitha shteteve, e rrëzon aktakuzën e tij në tërësi.
“Periudha që ka përfshirë mbrojtja në draftin e saj e ka përfshirë një periudhë që përputhet plotësisht me aktakuzën, po ashtu përfshin periudhën deri në largimin definitiv të forcave të armatosura të Serbisë, duke përfshirë edhe policinë. Specifikimi me data i takimeve me zyrtarët e lartë të të gjitha shteteve, duke përfshirë edhe oponentë brenda Kosovës e që i ka takuar jashtë vendit, tregojnë shumë qartë se qëndron një alibi shumë e fuqishme sa i përket Thaçit, e që realisht këto alibi i rrëzojnë akuzën në tërësi”, deklaroi Musa në emisionin “Infonata”.
Më tej, ai tha se Thaçi në atë periudhë që pretendohej se ka kryer krime gjatë luftës, nuk ka qenë fare në Kosovë për shkak të angazhimeve të tij si drejtor i Drejtorisë Politike të Ushtrisë Çlirimtare të Kosovës./Teve1.info/.
