Musa në një lidhje direkte për Tëvë1, bëri të ditur se aktivitetin simbolik të quajtur “Burgu”, do e mbajnë edhe në Bruksel tek zyra e BE-së.
“Është e vërtetë që e kemi bërë një planifikim për të bërë këtë aktivitet para Zyrës së Bashkimit Evropian në Bruksel. Ne duam t’u tregojmë atyre qartë gjendjen reale në Kosovë, të cilët ne jemi të izoluar nga BE-ja padrejtësisht. Që 22 vite jemi të vrarë, të masakruar dhe të izoluar. Bashkimi Evropian po tregon racizëm ndaj Kosovës. Nëse BE-ja ka pasur arsyetim se kemi korrupsion, atëherë korrupsioni nuk është te populli, është te politika. Përse politikanët dhe fëmija e tyre po lëvizin të lirë, e ne jo”, ka thënë ai për emisionin “Infonata”.
Sipas tij, liberalizimi i vizave për Kosovën do të ndodhë. Teksa shtoi se demokracia ndryshe nuk do të kishte vlerë për Bashkimin Evropian.
Organizata Lëvizja për Demokraci ka mbajtur një aktivitet simbolik të quajtur “Burgu” para Zyrës së Bashkimit Evropian në Prishtinë, për ta kundërshtuar mos liberalizimin e vizave.
