Sulmuesi i Kosovës, Vedat Muriqi nuk pritet të jetë startues në ndeshjen e Ligës së Kampionëve, kanë njoftuar mediumet në Turqi.
Fenerbahçe në kuadër të xhiros së parë të Championsit do të përballet me Romën, ndeshje kjo që luhet të enjten në Stamboll me fillim nga ora 18:45.
Humbja e Fenerbahçes në kampionat nga Beshiktashi 2:1 ka detyruar trajnerin Ismail Kartal që të bëjë ndryshime për ndeshjen me Romën.
Kartal pritet ti bëjë katër ndryshime në formacionin e parë, me Muriqin që do të jetë rezervist për shkak se startues do të jetë belgu Romelu Lukaku.
Muriqi, i cili u rikthye te Fenerbahçe këtë verë nga Mallorca, me fanellën e ekipit turk ka shënuar 3 gola dhe ka bërë 1 asistim në 7 paraqitje këtë sezon në të gjitha garat.
