Ministri i Financave, Hekuran Murati, ka thënë se Qeveria Kurti është qeveria me rritjen më të lartë të pagave në arsim brenda një mandati.
Sipas tij rritja ekonomike me Qeverinë Kurti është mbi 232 euro.
“Qeveria Kurti është e vetmja qeveri që ka rritur pagat në sektorin publik 3 herë brenda mandatit, konkretisht në vitin 2023, 2024, dhe 2025”, ka shkruar ai në Facebook.
Murati ka krahasuar edhe me qeveritë e kaluara kur Bedri Hamza e Avdullah Hoti ishin ministra të Financave.
“Në qeverinë Haradinaj, ku Ministër i Financave ishte Bedri Hamza, pagat për mësimdhënësit ishin rritur vetëm 4% apo 16 euro. Njësoj ishin rritur pagat edhe pë shërbyesit tjerë publikë vetëm 4%. Përjashtim bëjnë pozitat e Kryeministrit, Ministrave, dhe sistemit të drejtësisë, të cilat ishin rritur 100%
Në Qeverinë Mustafa rritja e pagave ishte bërë duke e shtuar shtesën e përvojës së punës, e cila nënkuptonte që rritja ishte jo e njëtrajtshme për të gjithë, por varej nga vitet e përvojës së punës që secili kishte”, tha Murati./teve1.info/
