Murati në Facebook tha se qëllim i këtij takimi ishin diskutimet rreth Programit Kompakt që parasheh investime mbi 200 milionë dollarë në fushën e energjisë në Kosovë.
Sipas tij, Kosova është përherë falenderuese për mbështetjen e vazhdueshme nga populli amerikan.
“Kënaqësi të takoj Alice P. Albright, kryeshefe ekzekutive e Korporatës së Sfidave të Mijëvjeçarit (MCC), dhe me ekipin e saj, për të diskutuar rreth Programit Kompakt që parasheh investime mbi 200 milionë dollarë në fushën e energjisë në Kosovë. Republika e Kosovës është përherë falenderuese për mbështetjen e vazhdueshme nga populli amerikan. Jemi partnerë, por edhe miq. Me këto fjalë e përmbyllëm takimin me znj. Albright, mike e madhe e vendit tonë”, ka shkruar Murati.
