Në këtë takim u diskutua për performancën ekonomike të Kosovës dhe mundësitë për bashkëpunim të mëtutjeshëm.
Bëhet e ditur se ministri Murati e ka njoftuar Garcia Mora lidhur me masat e ndërmarra nga Qeveria e Kosovës për mbështetjen e prodhuesve vendore, me ç’rast thuhet se të dyja palët janë pajtuar në rëndësinë e sektorit prodhues si mekanizëm shtytës për zhvillim ekonomik afatgjatë të vendit.
“Më tej, Ministri e informoi delegacionin për mundësitë që ofron Kosova për investitorët e huaj, si fuqia punëtore e re dhe e talentuar, procedurat e thjeshta tatimore, si dhe së fundmi edhe themelimi i Gjykatës Komerciale, e cila siguron krijimin e një mjedisi të përshtatshëm për investitorë”, thuhet në njoftim.
Nga ana e tij, Zëvendës Presidenti Garcia Mora shprehu gatishmëri për zhvillimin e mundësive të bashkëpunimit në mes të IFC dhe sektorit prodhues e perpunues në Kosovë, si dhe promovimin e Kosovës si vend të përshtatshëm për investime./teve1.info./