Ministri në detyrë i Bujqësisë, ka thënë se qumështorja “Vita”përdor ujin e ujitjes, që sipas tij është në kundërshtim me rregullat e higjienës, pas sipas tij duhet përdorur uji i pijes
Ai ka thënë se këtë informacion e kanë marrë nga Ministria e Ekonomisë.
Muja të martën për këtë ka thënë se kanë dyshime edhe në kompaninë “Drini i Bardh”, ndaj së cilës ai ka paralajmëruar padi.
“Kemi pranuar një komunikim nga Ministria e Ekonomisë dhe me lejoni të them me keqardhje, qumështoret tona, specifikisht ‘Abrazeni’ (qumështorja Vita) e përdori ujin e sistemit të ujitjes. Uji në bazë të rregullores për higjienë duhet të jetë vetëm i trajtuar, vetëm uji i pijes. Ne dyshojmë që kompania “Drini i Bardhë” ka keqpërdorë dhe ka shkelur një marrëveshje mirëkuptimi me Ministrinë e Bujqësisë. Uji që ne e kemi financuar për t’u ndihmuar fermerëve të Istogut, ne dyshojmë se është rikanalizuar për ta furnizuar jashtëligjshëm Abrazenin me ujë të pijes”, ka thënë ai në konferencë.
Muja ka deklaruar se ka kërkuar sqarime nga “Drini i Bardhë” dhe se, sipas tij, kjo kompani ka pranuar se e ka bërë një gjë të tillë “por se vetëm për cisterna të qumështit”. Për këtë çështje ai ka paralajmëruar kallëzim penal nga Ministria.
