Madje, ai vlerësoi se do ishte në favor të Kosovës në qoftë se barrikadat në veri do i largonte KFOR-i.
Më tej, ai sqaroi hierarkinë e institucioneve që do të duhej të vepronin në rast nevoje.
“Struktura e sigurisë në veri, është policia lokale, policia rajonale, FSK-ja dhe normalisht KFOR-i. Por, FSK-në e kemi përjashtuar vetë nga ajo pjesë. Serbët në veri janë të armatosur deri në dhëmbë. E këtë duhet ta ketë parasysh shumë populli i Kosovës. Policia e Kosovës i ka ata mekanizma edhe forcën proporcionale për t’i hequr barrikadat. Mirëpo, çështja është strategjikisht, pra do jetë më mirë nëse KFOR-i i largon barrikadat për të mos u dhënë mundësi grupeve ekstremiste të ekstremit të djathtë, që ato t’i keqpërdorin pastaj”, deklaroi Muja në emisionin “Këndi i Debatit” në Tëvë1.
Tutje, Muja tha se Bashkësia Ndërkombëtare duhet ta shikojë pozicionin e Serbisë, pasi sipas tij, nuk mund të vazhdohet përpara me logjikën e partneritetit të presidentit, Aleksandar Vuçiq.
“Barrikadat që pengojnë lirinë e lëvizjes, duhet të hiqen, sepse ato mirëmbahen nga Beogradi zyrtar”, tha tutje Muja./teve1.info/.
