Nënkryetari i LDK-së, Gazmend Muhaxheri ka reaguar duke thënë se LDK-ja nuk ka lluks për me lyp lidership të ri.
Kjo pasi, anëtari i kryesisë së LDK-së, Avdullah Hoti ka deklaruar se pas rezultateve të zgjedhjeve të 9 shkurtit, partia ka nevojë për lidership të ri dhe ka kërkuar që të shkarkohet nga pozita e kryetarit të LDK-së, Lumir Abdixhiku.
Hoti ka thënë se rezultati zgjedhor i LDK-së nuk është i kënaqshëm e as i përafërt me atë që kemi shpresuar “pas katër vitesh përgatitje”.
E sipas Muhaxherit, Abdixhiku s’mund të shkarkohet pasi e ka rritur LDK-në për 70 për qind.
“Unë jo për veti dhe nuk e besoj që ka lluks LDK-ja me lyp lidership të ri, kur ky kryetari i ri i ka fituar edhe zgjedhjet e kaluara 9 komuna, prandaj në këto zgjedhje e ka rrit partinë gati për 70% prej 100 mijë votave LDK-ja ka shkuar në 170 mijë vota. Ne kemi menduar me dalë 24%, por prej 12 është vështirë, partia ndoshta i ka pasur pritshmëritë më të mëdhaja por nuk e di sa kanë punuar për me I realizua ato pritshmëri për me dalë ashtu”, ka deklaruar Muhaxheri për tëvë1./teve1.info/
Hoti: Rezultat i dobët zgjedhor, LDK-ja ka nevojë për lidership të ri
