Ai thekson se “ka hy në modë” kjo ikje, teksa fajin e hedh tek hapja e universiteteve private, që sipas tij nuk është bërë planifikim me kohë.
“Ky është një trend që ka përfshi jo veç Kosovën por edhe Ballkanin, të njëjtin rast e kemi edhe në Serbi edhe në Mal të Zi edhe në Shqipëri edhe ndoshta dhe në Maqedoni. Të them të drejtën ka hy në modë pak kjo pasi që problemin numër një e kemi pasur hapjen e shtatë universiteteve publike dhe shumë universiteteve private domethënë nuk është bërë planifikimi me kohë”, tha Muharremaj.
Tutje i pari i Suharekës thotë se të rinjtë po ikin nga vendi për të kërkuar një jetë më të mirë.
“Mirëpo është një trend dhe unë i kuptoj të gjithë ata që kanë kryer fakultet. Kemi ekonomistë, juristë dhe ata nuk kthen më mbrapa dhe qëllimi i tyre është çdoherë të kërkojnë një jetë më të mirë dhe kjo është një model jo veç në Kosovë por në të gjitha shtete e Ballkanit”, tha Muharremaj në “Këndi i Debatit” në Tëvë 1.
