Mozzik ka njoftuar se policia ka arrestuar tre persona që dyshohet që kishin vjedhur 100 mijë euro kesh, 15/16 armë me leje e ari (orë, unaza e qafore) në shtëpinë e tij.
Mozzik tha se gjatë këtyre dy muajve i kishte thënë vetës se ‘policia po pritojnë, nuk po punojnë”, por, që kishte qenë gabim.
“Qenkan arrestuar 3 persona të qytetit Ferizaj ku edhe dyshohen se njëra nga veprat kriminale që kan kryer është pikërisht shtëpia ime ( e vjedhur e thyer). Pak jam mahnit nga saktësia e tyre , pak nga shkathtësia e tyre , pak nga profesionalizmi i tyre , por prap besoj nuk patën ku të shkojnë. Qdo ditë qe i thash vetës gjatë këtyre 2 muajve ” Spo punojnë” ” Po pritojnë ” Policia paskam pas gabim.”- ka thënë ai.
Tutje, ai ka falënderuar drejtorin e policisë si dhe zyrtarët policore për punën e tyre.
“Për çdo lavdatë Drejtori i përgjithshëm i Policisë së Kosovës z.Gazmend Hoxha për angazhimin profesional e të sinqertë . Gjithsesi ekipa fantastike e Sektorit Rajonal të Hetuesisë Ferizaj në këtë zingjirë nga unë marrin duartrokitjet më të mëdhajat. Publikisht Falënderoj Ekipin e Sektorit Rajonal të Hetuesisë Ferizaj.”- ka shkruar ai.
Tutje, Mozzik ka kërkuar nga qytetarët ta paguajnë tatimin.
“E nderuat vetën , mua dhe familjen e besa edhe qytetin tonë Ferizaj. E ju qytetarë paguani tatim , ta forcojmë së bashku këtë institucion të shenjtë. Zoti iu bekoftë kudo dhe kurdo“, shkroi ai në Facebook.
Ndryshe të dyshuarit për vjedhje janë shoqëruar në Sektorin Rajonal të Hetimeve dhe pas intervistimit të tyre nga hetuesit rajonal, në prani edhe të avokatëve mbrojtës, me vendim të prokurorit të shtetit janë ndaluar në mbajtje për 48 orë, për procedura të mëtejme hetimore.
Ndërsa si prova materiale janë sekuestruar: 3 vetura,1 armë zjarri ,pushkë automatike, 3 armë zjarri ( pistoleta). Sasi e municionit 1 dron, 3 palë dylbi, 3 radiolidhje dhe disa bateri dore që ndërlidhen me rastin e vjedhjeve të rënda.
