I gjithë objekti u rrethua me shiritat e Policisë.
Në këtë objekt në Ferizaj një burrë 59 vjeçar gjeti vdekjen derisa ishte duke punuar.
Policia e Kosovës dha detaje rreth këtij rasti.
“Me datë 13.04.2026, rreth orës 11:45, është pranuar informatë se në rrugën “Remzi Hoxha” një person ka rënë nga një objekt në ndërtim. Patrulla policore ka dalë menjëherë në vendngjarje, ku edhe ekipet emergjente kanë konstatuar vdekjen e viktimës”, ka thënë Veseli.
Të pranishëm këtu ishin edhe familjarët të cilëve edhe iu dorëzuan gjërat personale të të ndjerit.
E pas katër orësh, trupi i viktimës u largua nga vendi i ngjarjes.
Pas këtij rasti një person ka përfunduar nën pranga.
“Me vendim të prokurorit të shtetit është ndaluar një person i dyshuar ne kohëzgjatje prej 48-orësh për shkak te dyshimit te veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës” nga neni 358 te Kodit Penal te Republikës se Kosovës”, u shpreh Baftiu.
Mes tjerash është bërë e ditur se Prokurori i shtetit, ka udhëzuar Policinë dhe Inspektoratin e punës, për ndërmarrjen e veprimeve të nevojshme hetimore me qellim të zbardhjes se gjitha rrethanave të rastit në fjalë.
