Jose Mourinho është pezulluar për katër ndeshje evropiane nga UEFA të mërkurën për “abuzim verbal” ndaj arbitrit të finales së Ligës së Evropës në garazhin e stadiumit pasi Roma humbi nga Sevilla.
Pamjet qarkulluan pas finales së 31 majit kur trajneri i Romës iu afrua arbitrit anglez Anthony Taylor në garazhin e “Pushkash Arena” të Budapestit dhe e quajti atë një “turp”.
Roma humbi me penallti ndaj Sevillas pas barazimit 1:1, në ndeshjen që ishte shansi i fundit i klubit italian për t’u kualifikuar në Ligën e Kampionëve edicionin e ri. Mourinho do të vuajë dënimin në fazën e grupeve të Ligës së Evropës duke filluar në shtator, pasi u shpall fajtor për “drejtimin e gjuhës abuzive ndaj një zyrtari të ndeshjes”, tha UEFA në një deklaratë duke njoftuar vendimin e panelit të saj disiplinor. Një ditë pas finales, arbitri Taylor dhe familja e tij u ngacmuan nga tifozët e Romës në aeroportin e Budapestit. UEFA gjithashtu gjobiti Romën me 50,000 euro dhe do të bllokojë shitjen e biletave të klubit për ndeshjen e radhës në udhëtim në Ligën e Evropës.
