Moti sot do të mbajë kryesisht me diell dhe i nxehtë, kurse në disa zona pritet të ketë edhe reshje shiu, shkarkesa rrufesh dhe erëra të përforcuara në zonat ku paraqiten.
Instituti Hidrometeorologjik i Kosovës bën të ditur se temperaturat minimale do të jenë nga 12 deri në 16 gradë celsius, kurse ato maksimale nga 29 deri në 34 gradë celsius, raporton KosovaPress.
“Do të mbajë mot kryesisht me diell dhe i nxehtë. Gjatë orëve të mesditës dhe pasdites, në disa zona malore dhe lokalisht edhe në ultësira pritet zhvillim i vranësirave konvektive, të cilat mund të shoqërohen me reshje afatshkurtra shiu, shkarkesa rrufesh dhe erëra të përforcuara në zonat ku paraqiten”, njofton Instituti Hidrometeorologjik i Kosovës.
Sipas Institutit, era do të fryjë nga verilindja, do të jetë e lehtë deri mesatare, me shpejtësi 1 deri në –9 metra në sekondë.
