Interi bëri një hap fals në transfertë ndaj Monza. Zikaltërit barazuan 2:2, derisa ishte një ndeshje me dy fytyra.
Pjesa e parë u nis më mirë nga zikaltërit, teksa avansuan në minutën e dhjetë me Darmian. Mirëpo shifrat u baraspeshuan brenda një minuti pas në aksionin vijues skuadra e Monzës barazoi rezultatin 1:1 me Ciurria.
Nerazzurrët kthyen prapë rezultatin në favorin e tyre, pasi Martinezi pas një presioni të mirë menduar në mbrojtësin Armando Izzo, rrëmben topin dhe dërgon topin në rrjetë për epërsinë e dytë të skuadrës mysafire.
Por të besuarit e Simone Inzaghi dominuan ekipin vendas në pjesën e parë, dhe shkuan në pushim me epërsi minimale. Megjithatë me ndryshe ishte qasja në pjesën e dytë. Skuadra vendase ishte ajo që sulmonte, teksa zikaltërit provuan vetëm përmes kundërsulmeve.
Kjo iniciativë e Monzës doli të jep fryt në këtë pjesë, ku përveç sulmeve rreshturazi, ata shënuan edhe golin e barazimit në minutën e 93-të me Luca Caldriola.
Interi pas këtij barazimi ngritet në kuotën e 34-t pikëve, teksa Monza tani ka të grumbulluar 18 sosh. /Tëvë1/
