UEFA ka konfirmuar pranimin e letrës së Ministrisë së Kulturës, Rinisë dhe Sportit (MKRS) lidhur me parregullsitë në Federatën e Futbollit të Kosovës (FFK) përpara Kuvendit Zgjedhor të 5 shkurtit. Në letrën e saj, MKRS ngriti shqetësime për standardet demokratike të kandidimit për president të FFK-së, duke vënë në dukje se kërkesa për 15 nënshkrime mbështetëse mund të kufizojë konkurrencën.
Sipas përgjigjes së UEFA-s, çdo komunikim zyrtar duhet të bëhet përmes FFK-së, dhe letra e përbashkët e FIFA-s dhe UEFA-s që konfirmon harmonizimin e statutit të FFK-së është dërguar edhe MKRS-së për referencë. UEFA ka theksuar se diskutime të mëtejshme mund të zhvillohen vetëm pas mbajtjes së kuvendit të 5 shkurtit.
Ky informacion u konfirmua edhe nga burime të KosovaPress brenda MKRS-së, që thanë se MKRS ka pranuar letrën nga UEFA dhe diskutimet me federatën do të ndodhin pas kuvendit. Ai shtoi se vetë kuvendi mund të zhvillohet në mënyrë legjitime dhe nuk ka pengesa për vazhdimin e tij.
