Policia e Kosovës ka njoftuar se mjeti i dyshuar shpërthyer në stacionin e autobusëve në Gjakovë nuk ka qenë i vërtetë, por një imitim.
Zëdhënësi i Policisë së Kosovës për rajonin e Gjakovës, Shermet Elezi ka thënë për teve1.info, se pas pranimit të informacionit për mjet shpërthyes në vend ngjarje ka dalë njësia për dominim e PK-së.
“Është raportuar për një mjet të dyshuar shpërthyes tek stacioni i autobusëve. Lidhur me rastin, në vendngjarje ka dalë njësia për deminim e Policisë së Kosovës. Pas ndërmarrjes së veprimeve të mëtejshme hetimore, dhe ekzaminimit të mjetit të dyshuar është konstatuar se nuk bëhej fjalë për një mjet shpërthyes të vërtetë, por për një imitim”, ka thënë Elezi.
Ai ka thënë se aktualisht janë duke u ndërmarrë veprimet e nevojshme hetimore për zbardhjen e plotë të rrethanave të ngjarjes.
