Një përleshje mes pesë personave dyshohet se ka ndodhur mbrëmjen e së shtunës në Frashër të Mitrovicës, pas një mosmarrëveshjeje verbale lidhur me një pronë.
Sipas raportit të Policisë, dyshohet se në rrahje janë përdorur edhe mjete të forta, duke përfshirë një sëpatë e cila është gjetur dhe konfiskuar në vendngjarje.
Të gjithë të përfshirët bëhet e ditur se kanë kërkuar trajtim mjekësor për lëndimet e marra gjatë rrahjes.
Lidhur me rastin janë arrestuar katër të dyshuar, ndërsa pas intervistimit, tre prej tyre janë dërguar në qendrën e mbajtjes dhe njëri është liruar në procedurë të rregullt.
“Pas një mos marrëveshje verbale lidhur me një pronë pesë persona janë përleshur mes vete ku dyshohet se në rrahje janë përdorur edhe mjete të forta. Si pasojë e rrahjes, tretman mjekësor kanë kërkuar të gjithë të përfshirët në rrahje. Lidhur me rasti janë arrestuar katër të dyshuar, ndërsa në vendin e ngjarjes është gjetur dhe konfiskuar një sëpatë që dyshohet se është përdorur në rast. Pas intervistimit, me vendim të prokurorit kujdestar, tre prej të dyshuarëve janë dërguar në qendrën e mbajtjes, ndërsa njëri është liruar në procedurë të rregullt”, thuhet në raportin 24-orësh të Policisë./teve1.info/
