Paraqitjet e mira të Mario Mitajt, kanë bërë që mbrojtësi i krahut të majtë të monitorohet nga skuadrat angleze, emrat e të cilave nuk janë bërë të ditura.
Mediumet në Arabinë Saudite, raportojnë se Al-Ittihadi ka marrë oferta nga klubet angleze për futbollistin e Kombëtares së Shqipërisë.
21-vjeçari vlerësohet lart të klubi saudit, por nuk dihet nëse Mitaj do të mbetet në Lindjen e Mesme apo do të lëviz gjatë kësaj vere.
Vlera e kartonit të tij është mbi 5 milionë euro, ndërsa me Al-Ittihadin ka kontratë deri në verën e vitit 2028.
Në fillim të këtij viti, Mitaj u transferua te skuadra saudite nga Lokomotiva e Moskës për 4 milionë euro kurse me Al-Ittihadin ka fituar titullin dhe kupën e Arabisë Saudite.
