Në mbledhjen e sotme të Qeverisë është miratuar projektligji për ndryshim/plotësimin e ligjit për skemat pensionale, i cili mundëson njohjen e kontributit të punëtorëve të larguar nga puna në vitet 1990.
Me këtë rast, kryeministri Albin Kurti tha se po ndërtojnë një sistem pensional të barabartë që garanton pensione stabile për pensionistët, përcjell teve1.info
“Përmes tij, do ta adresojmë çështjen e pabarazinë disa vjeçare të mosnjohjes të së drejtës pensionale në skemën e pensionit kontributpagues për një numër të madh të pensionistëve të cilët nuk përmbushin kriterin prej 15 vitesh kontribut në ish-sistemin pensional”, tha ai.
Teksa, ministri i Financave, Hekuran Murati tha se me këtë ndryshim të ligjit, po zhbëhet diskriminimi kur dikush nuk ka arritur që ta plotësoj kushtin për një muaj.
“Me këtë ndryshim plotësim të këtij ligjit, ne po e zhbëjmë atë diskrriminim sepse do të mundësohet që për periudhën që nga koha që janë larguar nga puna e deri më 1 janar ’99, tu llogaritet drejtë plotësimit të kushtit prej 15 vitesh, ndërsa lartësia e pensionit pastaj do të caktohet bazuar në vitet që kanë kontribuar në fondin pensional…pra hiqet ky diskriminim i prerjes ku dikush ndoshta edhe për 1 muaj s’ka arritur ta plotësoj kushtin. Ne me këtë po e heqim këtë diskriminim. Duka ua mundësuar që ta llogarisin edhe periudhën prej kur janë larguar nga puna”, shtoi Murati.
Ai bëri të ditur se sipas të dhënave, teorikisht parashihet që të përfitojnë rreth 104 mijë persona që do të plotësonin kushtin për të përfituar nga ky ndryshim-plotëism i ligjit. /Teve1.info/
