Ministrja e Industrisë Ndërmarrësisë dhe Tregtisë, Rozeta Hajdari, tha se pas uljes së çmimit të naftës do të ketë edhe zbritje të çmimeve të produkteve bazë.
Ajo në konferencë pas mbledhjes se është duke pritur votimin e dy ligjeve të cilat do të kenë ndikim dhe këtë lajm dëshiron ta ndajë me qytetarët.
“Ligjin për investimet të qëndrueshme dhe Ligjin për parqet industriale, sa më shpjet që të votohen këto ligje do të kenë ndikime. Çmimet në treg janë breng për qytetarët, dua të ndaj një lajm të mirë me ju se çmimet e naftës janë në ulje e sipër dhe pres që të tjerat çmime dhe të produkteve bazë të ulen”, tha ajo.
Në anën tjetër, çmimet e miellit, bukës, vezëve, qumështit e produkteve tjera bazike kanë shënuar një ngritje të theksuar në muajt e parë të këtij vitit.
E përveç gjërave ushqimore , qytetarët do të paguajnë më shtrenjtë për këtë muaj edhe tarifat e rrymës.
Kjo pasi rritjes për 15% të çmimit të energjisë elektrike.
Rritja e kostos se jetës sipas Selatin Kacanikut nga Shoqata e Konsumatorit do të dërgoj në rëndimin e jetesës së shtresës së varfër të qytetarëve.
Kurse profesor i ekonomisë, Bashkim Mustafa i tha teve1 se rritja e rrymës do të ndikojë që të rriten edhe më shumë çmimet e produkteve.
Sipas të dhënave të Agjencisë së Statistikave të Kosovës, çmimet e konsumit ishin më të larta rreth 10.5% në muajin shkurt 2023, krahasuar me muajin shkurt 2022.
