Me rastin e shënimit të Ditës së Mësuesit, Ministria e Arsimit ka ndarë çmim tradicional për mësuesin e dalluar dhe mirënjohje për mësues të tjerë.
Sipas njoftimit të MASHTI-t, çmimin “Shaban Jashari”, si mësuese e dalluar e ka marrë Shkëndije Jashari nga SHFMU “Meto Bajraktari” në Prishtinë, çmim ky që u nda nga kryeministri, Albin Kurti, përcjell teve1.info
Kurti ndër të tjera tha se shqiptarët sot kudo që ndodhen i nderojnë gjeneratat e mësuesve që kanë dhënë gjakun e tyre për të mbajtur ndezur dritat e arsimit shqip, ndërsa vlerësoi lartë kontributin e mësuesit dhe heroit kombëtar Shaban Jashari.
Ndërkaq, mësimdhënësja Jashari deklaroi se çmimi i fituar për atë është detyrë, privilegj dhe përgjegjësi në edukimin e brezave të rinjë të cilët, siç potencoi ajo, janë e ardhmja e vendit. /Teve1.info/
