Projektligjin para deputetëve e ka arsyetuar ministri i Financave, Punës dhe Transfereve, Hekuran Murati.
Fillimisht deputeti i Aleancës për Ardhmërinë e Kosovës, Pal Lejak i ka bërë dy propozime në kuadër të këtij Projektligji, propozime këto që nuk kanë marrë mbështetjen e Komisionit.
Ai ka propozuar që afati për kompensimin e kompanive të shtyhet deri më 30 gusht të vitit të ardhshëm dhe se kompanive t’u paguhet 30% e vlerës totale të projektit e jo 20% sa ka propozuar Qeveria.
Këto propozime të Lekajt nuk janë përkrahur nga pozita.
Ministri i Financave, Hekuran Murati, tha se është vendosur që afati të jetë deri më 30 qershor të vitit të ardhshëm dhe se tavani prej 20% është vendosur në koordinim me palët.
Sipas tij, ndërprerja e kontratave do të bëhet vetëm në rast se nuk përfundohen punët nga operatorët.
“Periudha ka paraparë mbulesën prej 12 muaj deri me 30 qershor të vitit të ardhshëm. Nuk është se punët stopohen, por mbulueshmëria e ligjit është deri me 30 qershor. E kemi vendosur tavanin 20% në koordinim. Në kushte normale për shkak të mos kryerjes së punëve nga operatorë ekonomik organizata duhet t’ia nderjeje kontratën. Kemi paraparë këtë ndërhyrje tavan që nuk lejon kontratë të prishen për pak. Kur nuk kryhen punët nga operatorë ekonomik kemi të bëjmë me shkelje kontrate”, tha Murati.
Deputeti i VV-së, Eman Rrahmani, tha se zgjatja e afatit nuk është e nevojshme dhe se sipas tij, punët nuk duhet të neglizhohen.
“Është e panevojshme zgjatja e afatit dhe duhet të përfundohen ato punë. Është e mirë që është një periudhë për kompanitë që kanë filluar punët të mos neglizhohen. Kompanitë kanë leverdi me u tërheq prej kontratës dhe me shkuar me ritenderim”, u shpreh ai./EO/
