Ministri i Kulturës, Rinisë dhe Sportit, Hajrullah Çeku, i ka reaguar tenistit serb Novak Djokovic, i cili tha se do të donte të kthehej në Kosovë për t’i pagëzuar fëmijët e tij, duke shtuar se “Kosova është zemra e Serbisë”.
Çeku i ka reaguar serbit duke i thënë se nuk i lejohet hyrja në Kosovë pa u vaksinuar.
“Nuk ka vaksinë – nuk ka hyrje”, ka shkruar Çeku.
Ndryshe Djokovicit më parë i ishte ndaluar hyrja në Australi, meqe nuk ishte i vaksinuar kundër COVID-19. Ai është i lindur në Kosovë.
