Trajneri nga Bullgaria, Lubomir Minchev është rikthyer në basketbollin e Kosovës për sezonin 2024/25.
Minchev do të jetë në krye të skuadrës së Borës, ekip që sezonin e fundit debutoi në Superligën e Kosovës.
KB Bora, të dielën ka prezantuar Minchevin dhe ka paralajmëruar përforcime tjera për të luftuar për të gjithë trofetë në Kosovë.
Minchev e njeh mirë basketbollin e Kosovës, pasi për një periudhë ka punuar te skuadra e Trepçës kurse si trajner ka punuar kryesisht në Bullgari.
Skuadra nga kryeqyteti, sezonin e fundit në Superligë përfundoi e shtata dhe siguroi pjesëmarrjen edhe për sezonin e ri nëpërmjet ndeshjeve të “play-out”-it.
