Që më shumë se katër dekada punon në këtë vend.
Por për punën që bënë në Minierën e Artanës, Malush Gashi, thotë se që nga muaji qershor nuk ka marrë pagë.
Kjo ja ka rënduar jetën Gashit, i cili me pagën e tij mbanë edhe 6 anëtar të familjes.
Për shkak të borxheve mbi 400 euro, Gashi tregon se ia kanë shkëputë edhe rrymën.
“Jam vet i shtati, të ardhura nuk kam kërkah prej këtu mbana, qitu jam hi në kredi e kam ndreq shtëpinë, ma shumë prej shoqnisë, rrymën ma kanë këputë nuk di çfarë të bëjë çfarë hallesh, kryeministrin e kam votu që na ndihmon e që na del qashtu as në ëndërr nuk e kam pa”, ka thënë Malush Gashi- minator.
64 vjecari shprehet i zhgënjyer me trajtimin qe po i bëhet minatorëve.
“E ka leshu ky rrugën e Zotit, nuk mendon për njeri të gjall vec mendon për karrige të vetën, nuk bënë se 64 vjet i kam bo, mos me pas as pension, as rrugë të hajrit, që tre muj ma kan ndal pagën, cka me bo a myt në branë a, ku me lan unë ata shtatë anëtar”, thotë ai.
Minatorët e Minierës së Artanës grevën e kanë filluar që dy javë, pasi nuk morën dy pagat.
Por të martën për shkak të shembjes së dheut në këtë minierë disa minatorëve iu dashtë të ndërpresin grevën e të pastrojnë korridoret,.
“Edhe na që dy javë jemi në grevë por kemi pas një shembje këtu në Minierë dhe është dashtë patjetër që të intervenohet , mos më lan mu mbylle te na shkon deri në tre muaj me hap një korridor, mos me pas intervenua sot ish mbyll ai korridor dhe ish shku puna dëme gjatë asaj periudhë”, shprehet Liridon Mehmeti.
Po ashtu edhe minatorët në Minierën e Kishnicës kanë bojkotuar punën për shkak të pagave.
Kështu, nga Sindikata e Minatorëve kanë bërë të ditur se me 15 gusht do të dalin para Qeverisë.
“Minatorët kanë pas sot një takim, dhe unanimisht kanë nxjerr një vendim nëse mund ta quajmë, për një protestë e cila do të fillojë te enjten nga ora 12 deri në orën para ndërtesës së Qeverisë për të protestuar”, Fevzi Ademi nga Sindikata e Minatorëve .
Qeveria e Kosovës në fillimi të muajt gusht pati deklaruar se janë të përkushtuar në gjetjen e një zgjidhje por se përkrahja financiare varet nga plani dhe zotimi konkret që do të ulen shpenzimet dhe do të rifillojë rritja e prodhimit.
