Sërish u rikthye në objektin që udhëhiqte rreth tri vite më parë.
Kryetari i ri i komunës së Zveçanit, Dragisha Milloviq dhe këshilltarët e tij nga Lista Serbe, u benë gati për seancën e Kuvendit Komunal.
Aty, u betuan dhe u nënshkruan në gjuhën shqipe, në sallën ku ishte flamuri dhe simbolet e Republikës së Kosovës.
Milloviq tha se u kthyen në vendin që iu takon.
“Periudha që na pret sigurisht nuk do të jetë e lehtë. Do të jetë plot me sprova. Kjo është arsyeja pse detyra dhe qëllimi im kryesor do të jetë që së bashku me ju, këshilltarë të respektuar, të ruajmë, para së gjithash, paqen dhe sigurinë në territorin e komunës sonë”.
I pranishëm në seancë ishte edhe ish kryetari, Ilir Peci i cili në këto zgjedhje ka siguruar një ulëse per këshilltarë.
Ai tha se janë takuar me Milloviqin por në një situatë tensionuese.
Por Milloviq nuk pranoi të deklarohet kur doli, se a do i respektoj simbolet shtetërore të Kosovës.
Madje nuk e bëri menjëherë pranim dorëzimin e detyrës.
Kësisoj zyrtarët e institucionit të komunës dolën në pauzë.
Nga zyrat e Listës Serbe doli prapë pasdite.
Por as këtë herë nuk arritën të nënshkruajnë pranim dorëzimin e detyrës, për shkak që dokumenti u ofrua vetëm në gjuhën shqipe.
Kësisoj, pranim dorëzimi i kësaj detyre, u la të bëhej të hënën.
Gjatë ditës, këtu u pa edhe ministri i brendshëm në detyrë, Xhelal Sveçla dhe zyrtarë të shumtë të policisë së Kosovës.
Në nëntor të vitit 2022, ish kryetarët serb dhanë dorëheqje nga pozitat e tyre.
Kësisoj në prill të vitit 2023, komunat veriore shkuan në zgjedhje të parakohshme dhe për herë të parë u udhëhiqen nga katër kryetar shqiptarë, pasi Lista Serbe bojkotoi procesin zgjedhor.
