Mesfushori Charles De Ketelaere përfundimisht do të largohet nga skuadra e Milanit gjatë kësaj vere.
Belgu tashmë është nxjerrë në shitje dhe Milani po pret ofertat e skuadrave të tjera, ka njoftuar “Calciomercato” të premten.
Milani është i gatshëm që ta lërë të lirë 22-vjeçarin nëse merr një ofertë deri në 30 milionë euro, pasi De Ketelaere nuk ka përmbushur pritjet e tij tek ekipi italian.
Ai iu bashkua Milanit verën e shkuar me bujë të madhe, por nuk arriti ta dëshmojë veten.
Në total, belgu regjistroi 40 paraqitje në të gjitha garat, ku pati vetëm një asistim.
