Milani është hedhur në sulm për transferimin e Christian Pulisic. Kuqezinjtë i kanë paraqitur ofertën e parë verbale Chelsea për lojtarin ofensiv amerikan 14 milionë Euro.
Por londinezët e vlerësojnë sulmuesin rreth 25 milionë, e nisur nga kjo vështirë që ta pranojnë ofertën e bërë nga kuqezinjtë. Por negociatat janë të destinuara të vazhdojnë edhe sepse Milani e ka arritur akordin me lojtarin, e nuk ka ndërmend që të tërhiqet, raporton The Athletic.
Pulisic shikohet si përforcimi ideal nga krahët për të ndihmuar Oliver Giroud në ofensivë. Gjasat janë të mëdha që të arrihet një marrëveshje, nisur nga fakti se 24-vjeçari ka dëshirë që të transferohet në Milano.
Për më tepër që edhe Chelsea synon që ta shesë futbollistin, duke qenë se kontrata sulmuesit të krahut i përfundon në verën e 2024-ës.
