Sonte kompeticioni më i madh në botë rikthehet në ekranet tona me plot 8 ndeshje, në xhiron e parafundit të fazës së grupeve.
Në grupin E, Salzburg i vendit të dytë e pret në shtëpi Chelsean që kryeson grupin dhe ka një pikë më tepër. Milano ka udhëtuar në Zagreb për t’u ndeshur sonte me ekipin e Dinamos. Të dyja skuadrat kanë pikë të barabarta. Në këtë grup gjasat për kualifikim matematikisht i kanë të gjitha skuadrat, para ndeshjeve të sontme.
Real Madrid si lider i grupit F ka përballë në udhëtim skuadrën e Leipzig që është në vendin e dytë. Celtic i vendit të fundit që ka vetëm një pikë, pret në shtëpi ekipin e Shakhtar Donetsk, është në vendin e tretë dhe lufton për një pozitë në raundin kualifikues.
Sa i përket grupit G Manchester City që ka siguruar kualifikimin, luan në transfertë përballë Borussia Dortmund në Signal Iduna Park, me këta të fundit që tentojnë fitoren për të siguruar kualifikimin qysh sonte. Ndeshja tjetër zhvillohet në Esadio Ramon Sanchez Pizjuan me Sevillën që është nikoqir i skuadrës së Kopenhagës.
Befasia vjen nga grupi H pasi Juventus është në pozitën e tretë, me 5 pikë më pak se Benfica dhe sonte kërkon fitoren përballë kësaj skuadre në udhëtim, në mënyrë që të shpresoj për kualifikim në ndeshjen e fundit. Takimi tjetër është mes PSG dhe Maccabi Haifas, me futbollistët e Galtier që synojnë kualifimin sonte.
Përballjet e Salzburg – Chelsea dhe Sevilla – Copenhagen zhvillohen nga ora 18:45, ndërsa të gjitha ndeshjet startojnë në ora 21:00.
