Kompania teknologjike Meta ka njoftuar shkurtimin e rreth 8 mijë vendeve të punës në nivel global, në kuadër të një ristrukturimi të madh të brendshëm dhe orientimit të ri drejt inteligjencës artificiale (AI).
Sipas raportimeve, kompania po anulon gjithashtu planet për punësimin e rreth 6 mijë punonjësve të rinj, ndërsa mbi 7 mijë të tjerë do të riorientohen në role që lidhen me zhvillimin e teknologjive të AI-së.
Drejtori ekzekutiv i Meta-s, Mark Zuckerberg, ka deklaruar se inteligjenca artificiale përbën “teknologjinë më të rëndësishme të kohës sonë”, duke theksuar nevojën për rritje të efikasitetit dhe investime të mëdha në këtë fushë.
Kompania pritet të shpenzojë deri në 135 miliardë dollarë gjatë vitit 2026 për infrastrukturë dhe projekte të lidhura me AI, pothuajse dyfish më shumë se një vit më parë.
Vendimi ka shkaktuar reagime të shumta nga punonjësit, të cilët shprehin shqetësim për pasigurinë në sektorin e teknologjisë.
