Zhvillimet në Ukrainë kanë prekur gjithë rajonin, duke përfshirë këtu edhe Shqipërinë ku çmimi i karburanteve atje ka arritur në 2.2 euro për litër.
Meta ka reaguar ndaj kësaj gjendje ku ka thënë se rritja abuzive dhe spekulative e çmimit të karburanteve duhet të ndalet menjëherë.
Sipas tij kjo rritje është e papërballueshme për qytetarët e Shqipërisë, duke marrë parasysh të ardhurat mujore.
“Shqiptarët, me një pagë minimale prej 238 euro në muaj dhe me rreth 40% të popullsisë që jeton me të ardhura nën 5.5 USD në ditë, po e paguajnë sot çmimin e 1 litri karburant, më shtrenjtë se
në vendet e Bashkimit Europian, ku paga minimale luhatet nga 500 deri në 2,250 euro në muaj” tha Meta në Facebook./Teve1.info
