Lionel Messi ka ndërprerë negociatat për rinovimin e kontratës me skuadrën e Paris Saint-Germainit, përcjell “FootMercato” të premten.
Mësohet se Messi ka kërkuar përkohësisht një gjë të tillë, ndonëse nuk dihet arsyeja e vërtetë që ka marrë një vendim të tillë.
Palët ishin në negociata prej muajit të shkuar duke pasur parasysh se Messit i skadon kontrata me Parisin në fund të këtij sezoni.
Raportohet se Messi ka kërkuar edhe pak kohë përpara se të marrë një vendim për të ardhmen e tij, ndonëse dëshira e tij është që të mbetet pjesë e ekipit francez.
Messit i është ofruar rinovimi i kontratës edhe për dy vjet te Parisi, ekip të cilit iu bashkua në vitin 2021 si lojtar i lirë. 35-vjeçari ka 14 gola e po aq asistime në 23 ndeshje të luajtura këtë sezon për Parisin.
