Këshilli drejtues i Shoqatës Tirana ka nderuar sot me titullin “Mirënjohja Tiranase”, ministrin e Mbrojtjes, Armend Mehaj.
Bëhet e ditur se ky titull iu dha ministrit Mehaj për kontributin dhe frymën e solidaritetit që transmeton për promovimin dhe unifikimin e vlerave të kombit shqiptar.
Mehaj në Facebook ka falënderuar për vlerësimin që i është bërë në përvjetorin e 103-të të Tiranës dhe 15 vjetorit të pavarësisë së Republikës së Kosovës.
“Sot, Këshilli drejtues i Shoqatës Tirana më nderoi me titullin “Mirënjohja Tiranase”, për kontributin dhe frymën e solidaritetit që transmeton për promovimin dhe unifikimin e vlerave të kombit shqiptar! Bartës i vlerave të qytetarisë. Faleminderit që në këtë 103 përvjetor të Tiranës dhe 15 vjetor të pavarësisë së Republikës së Kosovës më keni bërë këtë vlerësim. Atdheu ndertohet vetëm duke qenë dhe duke punuar të gjithë bashkë”, ka shkruajtur Mehaj./teve1.info./
