Mehaj ka bërë të ditur se gjatë 24 orëve të fundit, FSK-ja ka pasur intervenime në Ferizaj, Mitrovicë, Skenderaj dhe Klinë, përcjell teve1.info
“Në Istog kemi intervenuar duke evakuuar 45 qytetarë. Në këto katër komuna kemi pasur të angazhuar 58 ushtarë. Gjithashtu, në babaj të Bokës është bërë hapja e rrugës në gjatësi prej 100 metrash. Në komunën e Skenderajt kemi angazhuar një ekipë e cila ka qenë në gatishmëri gjatë gjithë kohës. Ministria e Mbrojtjes dhe Forca e Sigurisë së Kosovës janë në shërbim të plotë të qytetarëve tanë”, ka shkruar ai në Facebook.
Ministri Mehaj thotë se angazhimi i FSK-së është në nivelin më të lartë dhe në bashkëpunim me autoritetet lokale situata është duke u menaxhuar mirë.
Pas reshjeve të mëdha të shiut disa komuna të Kosovës janë përballur më vërshime. Deri tani, Skenderaj dhe Mitrovica kanë shpallur gjendje emergjente. /Teve1.info/
